BIC Bizkaia Ezkerraldeak Bizkaia Open Future_ ekimenaren (Telefónicak eta Bizkaiko Foru Aldundiak sustatuta) beste saio ireki bat jaso du gaur. Jardunaldia enpresen aktibo teknologiko garrantzitsuenak identifikatzeko modua ezagutzera eta horiek balioan jartzera zuzenduta egon da. Oraingo honetan, Crowdworking Ilgner-ren egin den saioa, Luis Ignacio Vicente Telefónicako Berrikuntzaren Itzulera zuzendariak eta sentsibilizazio jardunaldia ireki duen David Bartolomé Bizkaia Open Future_ ekimenaren arduradunak hartu dute parte.
Eraldaketa digitalak, teknologia kudeatzeko beste modu bat eskatzen duten negozio eredu berriak dakarzkigu, produktu ukigarriak saltzetik zerbitzuak saltzerako bilakaera, plataforma digitalen sorkuntza edo datuen monetizazioa, besteak beste. Horrela, antolatutako saioan, eguneroko jardunetik haraindi softwarea garatzen duen enpresa baten jarduera balioan jartzeko orduan garrantzitsuak diren alderdiak landu dira. Jardunaldiak zenbait galdera planteatu ditu, besteak beste: ba al du baliorik webgune batek?, Softwarea edo algoritmo bat babes ditzakegu?, Zelan babestu industria sekretua bezalako zerbait?, Zein faktore izan behar ditugu kontuan teknologia bat lizentziatzeko edo garapenerako akordioa sinatzeko orduan?, Noiz interesatzen zaigu patente bidezko babesa erabiltzea?, etab.
Bizkaia Open Future_ ekimenari buruz
Bizkaia Open Future_, Bizkaiko sektoreari eraldaketa digitalean laguntzeko Telefónicak eta Bizkaiko Foru Aldundiak bultzatu duten ekimena da. Programa industria osoari zuzenduta dago orokorrean, eta toki eta nazioarte mailako talentu ekintzailearen eta Lurraldeko industria enpresen arteko lotune gisa lekutu da.
Bizkaia Open Future_, alde batetik, Barakaldon dauden BIC Bizkaia Ezkerraldeko instalazioetan dagoen espazio fisikoaren bitartez egituratzen da, eta, bestetik, Telefónica Open Future_ plataforman oinarritzen den espazio birtualaren bitartez. Ekimenaren euskarriak hauek dira: Bizkaiko enpresa erreferenteek, ekimenarekin erlazionatutako berrikuntza ekosistemak konpondu beharreko benetako negozio erronkak planteatzen dituen berrikuntza irekiko programa; teknologia arloko startupek eta enpresa txiki eta ertainek euren enpresa proiektua sendotzen duten merkataritza azkartze programa; eta zenbait hitzaldiren bitartez ezagutza eta esperientziak konpartituko diren ekintzailetzarako eta sentsibilizaziorako programa.
BIC Bizkaia Ezkerraldeak prestakuntza espezializatuaren aldeko apustua egin du
BIC Bizkaia Ezkerraldearen apustu nagusietakoa Ilgner inkubagailuan dauden enpresei eta enpresagunearen inguruan mugitzen diren guztiei zuzendutako prestakuntza espezializatua da. Teknologia etengabe ari da eboluzionatzen, eta eraldaketa digitalean egunean egotea ezinbestekoa da enpresa garapen hobea lortzeko. Hori dela eta, BIC Bizkaia Ezkerraldetik prestakuntza eta informazio saioak sustatzen dituzte, oraingo honetan sustatu den Bizkaia Open Future_ ekimenari dagokiona, adibidez, enpresek euren aktibo guztiak baloratzeko gai izan daitezen, euren negozio ereduak era egokian zuzen ditzaten eta pertsonek ekintzailetzarako jakin-minak indartu ahal ditzaten.
