BIC Bizkaia Ezkerraldeak Ezkerraldeko, Meatzaldeko eta Enkarterriko 70 proiektu aztertu zituen 2022an, eta horietako 47 onartu ziren.
Proiektu berri horien sektore nagusiak 4.0 industria, digitalizazioa eta negozio elektronikoa dira.
Ezkerraldean, Meatzaldean eta Enkarterrin aberastasuna eta enplegua sortzeko asmoz enpresak eratzen, dibertsifikatzen eta finkatzen laguntzeko helburuari helduta, BIC Bizkaia Ezkerraldeak 22 startup hartu zituen iaz Ilgner inkubagailuan, eta % 72ko okupazio-maila lortu zuen. Eraikin horrek 54 enpresa-modulu ditu, 2.500 m2-ko azalerarekin, bai eta erabilera komuneko espazioak ere, hala nola ekitaldi-areto bat, prestakuntza-gelak, bilera-gelak, ekintzailetza-gelak eta aparkalekua.
